Ég er komin með tölvu heim jeiiiiiiii

Takk takk takk takk Svenni krúttílús ;o) Nú sit ég hérna heima hjá mér í hægindastól ... eða svona næstum því og skoða netið og skrifa á bloggið og er á msn og ógisslega kát... takið eftir ég hef aldrei haft tölvu heima hjá mér og hvað þá verið nettengd ... já nú er ég bara komin á tækniöldina... farin að blogga og komin með netið heim. Já nú getur BT net og Hive alveg farið að hringja í mig og bjóða mér net... ég segi þá bara nei þakka þér pent ... Ég ætla að halda mig við Ogvoda svona rétt á meðan ég er í vinnu hjá þeim allavegana.

Enívei .... Ég fór að hugsa um eitt í dag, af hverju ætli fólk þurfi að vera stundum svona obboðslega dónalegt hvert við annað ? Nú er ég í þannig vinnu þá náttúrulega sérstaklega í OgVoda að fólk er stanslaust að ráðast á mann ... allt sem gerist í sjónvarpinu hjá fólki (sko nú er ég að tala um meirihlutann sem hringir inn) er mér persónulega að kenna, hvort sem það gleymdi að borga afnotagjöldin eða hvort það hreinlega lokast á það af eitthverjum mistökum. Það er eins og um leið og við erum búin að greiða fyrir eitthvað þá bara hafa allir rétt á að ráðast á hvern sem er... sko og af því að ég borgaði fúlgur fyrir þetta þá bara eru mannleg mistök ekki leyfð. Fólk líka leyfir sér að segja óskaplega ljóta hluti, sko nú er ég ekkert sérlega orð"falleg" en mér stundum blöskrar þegar fólk öskrar og æpir á mig af því að loftnetið hjá fólki er ekki rétt stillt... Ég held svona af því að við Íslendingar erum mjög sjónvarpssjúk þjóð að þá ætti eitthver gáfumaður eins og t.d. Logi Bergmann eða Sigmundur Ernir eða já vinkona mín hún Sirrý (sko ekki þú Sirrý - heldur hin sem þér líkar illa við) að búa til þátt þar sem Íslendingum eru kenndir almennir mannasiðir. Og að það sé ljótt að ráðast á samlanda sína með ljótum orðum. Og líka þáttur sem kennir karlmönnum að vera kurteisir við konur alveg sama hvaða stærð og lögun þær eru. Svei mér þá ég held ég skrifi bara bréf á Stöð 2 og kem með þessa hugmynd. Það mætti setja svona leikþætti á svið þið vitið... ég er alveg farin að sjá þetta fyrir mér ;o) Þetta gæti orðið mjög skemmtilegir þættir barasta hreint... Hver veit nema að sjónvarpsþáttaframleiðendum líti svo vel á hugmyndina að ég verði bara stjórnandinn hehe... svo get ég verið með svona hvernig á að þrífa horn og varað konur við vondum mönnum horn..... jiiii ég held ég fari í að skrifa bréf ;o)
Jæja nema hvað - held ég sé hætt að rausa í bili... vil benda henni vinkonu minni Sirrý (já þú Sirrý ekki hin sem þér líkar illa við) að fara að blogga á þína síðu.... þú ert með eitthvað eldgamalt... ég er alveg viss um að þú hefur frá eitthverju að segja núna þessa dagana.... hlakka til að lesa þig ...
Jæja og allir muna Katrín verður í Strákunum í kvöld.
Góða skemmtun
Heyrumst